ချင်းပြည်နယ် မင်းတပ်တိုက်ပွဲတွင် စစ်ကောင်စီဖက်အထိအခိုက်ရှိ

ချင်းပြည်နယ် မင်းတပ်တိုက်ပွဲတွင် စစ်ကောင်စီဖက်အထိအခိုက်ရှိ

 

ချင်းပြည်နယ်၊ မင်းတပ်-မတူပီလမ်းမှာ စစ်ကောင်စီတပ်တွေနဲ့ မင်းတပ် CDF တို့ဖြစ်ပွားတဲ့ တိုက်ပွဲအတွင်း စစ်ကောင်စီတပ်သား ၁၈ ဦး သေဆုံးပြီး ၁ ဦးကို CDF ဘက်က လက်နက်တွေနဲ့အတူ ဖမ်းမိခဲ့တယ်လို့ CDF ဖက်က ပြောပါတယ်။ စစ်ကောင်စီဘက်ကတော့ တိုက်ပွဲအတွင်း ထိခိုက်ဒဏ်ရာရရှိမှုရှိတယ်လို့သာ ပြောပါတယ်။ တိုက်ပွဲကြောင့် ဒေသခံ အများအပြား ဘေးလွတ်ရာကို တိမ်းရှောင်နေရပါတယ်။

စစ်ကောင်စီနဲ့ မင်းတပ် CDF တို့ အပစ်ရပ်သဘောတူညီမှု ကုန်ဆုံးသွားပြီးတဲ့နောက် တိုက်ပွဲတွေ ပြန်လည် ပြင်းထန်လာပြီး သြဂုတ် ၁၇ ရက်က မင်းတပ်-မတူပီကားလမ်း ၁၃ မိုင်မှာ စစ်ကောင်စီတပ်တွေနဲ့ မင်းတပ် CDF တို့ တိုက်ပွဲဖြစ်ပွားခဲ့တာမှာ စစ်ကောင်စီတပ်သား ၁၈ ဦး သေဆုံးခဲ့ပြီး ၁ ဦးကို လက်နက်တွေနဲ့ အတူ ဖမ်းမိခဲ့တယ်လို့ CDF က ပြောပါတယ်။ ဖမ်းဆီးရမိတဲ့ အခြေအနေနဲ့ ပတ်သက်လို့ CDF က တာဝန်ရှိသူ တဦးက အခုလို ရှင်းပြပါတယ်။

“ကျွန်တော်တို့ ၅ ရက်ရှိပြီပေါ့လေ တိုက်ပွဲက။ ၅ ရက်မှာ စစ်ကြောင်း ၃ ကြောင်းနဲ့လာတယ်။ ကျွန်တော်တို့ ဒီဘက် တောင်ဘက် ခြမ်းမှာ စစ်ကြောင်း တကြောင်းက မနေ့ကအထိ ထိတွေ့မှုရှိတယ်။ မနေ့က ထိတွေ့မှုမှာ စကစ ဘက်က ၁၈ ဦးလောက် ကျတယ်ပေါ့နော်။ နောက် ဒဏ်ရာရပြီး ထွက်ပြေးသွားသူတွေရှိတယ်။ တယောက်ကတော့ ရွာထဲအထိ ရောက်လာလို့ CDF တွေက ဖမ်းထားတယ်ပေါ့နော်။ ကျွန်တော်တို့ ဖမ်းပြီးတော့ စစ်ဆေးတဲ့အချိန်မှာ သေနတ်က တိုက်ပွဲဖြစ်တဲ့နေရာမှာ ပစ်ထားခဲ့တဲ့အကြောင်းရယ် နောက်သူ့ရဲ့ ကျည်အိမ် ကျဉ်ကပ်တွေနဲ့ ကျဉ်တောင့်တွေ ဒါတွေကို ဘယ်နေရာမှာ ထားခဲ့ပါတယ်ဆိုပြီးတော့ ဖြောင့်ချက်ပေးတယ်။ စစ်သည်တော် ကျင့်ဝတ်နဲ့အညီပေါ့ ။ဖမ်းဆီးထိန်းသိမ်းတယ်ဆိုပေမယ့် သူ့ကို လူသားတယောက်လို ဆက်ဆံမယ်။ ဒဏ်ရာရာထားတာဆိုတော့ ဆေးဝါးကုသမှုတွေ လုပ်မယ်ပေါ့။”

တိုက်ပွဲအတွင်း တောတောင်တွေထဲ ဒဏ်ရာရပြီး ထွက်ပြေးသွားတဲ့ စစ်ကောင်စီတပ်သားတွေလည်း ရှိနေပြီး စစ်ကောင်စီတပ်သားတွေကို CDF ဘက်က မကြာခဏ ဖမ်းဆီးရမိတာရှိတယ်လို့ CDF ဘက်ကပြောပါတယ်။ CDF ဘက်က လက်နက်နဲ့လာရောက်ခိုလှုံတဲ့ စစ်ကောင်စီတပ်သား တဦးကို ငွေကျပ် သိန်း ၅၀ ပေးမယ်လို့ ကမ်းလှမ်းထားတာရှိပြီး CDF နဲ့ ပူးပေါင်းဖို့ ဆက်သွယ်လာတဲ့ စစ်ကောင်စီတပ်သား အများအပြားရှိတယ်လို့လည်း ပြောပါတယ်။

စစ်ကောင်စီပြန်ကြားရေး ဒုဝန်ကြီး ဗိုလ်ချုပ်ဇော်မင်းထွန်းကတော့ မနေ့က ဖြစ်တဲ့ တိုက်ပွဲအတွင်းမှာ ထိခိုက်ဒဏ်ရာရရှိတာတွေရှိတယ်လို့ပြောပြီး လက်နက်တွေနဲ့အတူ ဖမ်းမိတယ်ဆိုတဲ့ကိစ္စကို ထည့်သွင်း ပြောကြားခဲ့ခြင်း မရှိပါဘူး။

“မနေု့တုန်းကတော့ မင်းတပ်ဘက်မှာပဲ CDF အကြမ်းဖက်အဖွဲ့တွေနဲ့ တိုက်ပွဲဖြစ်ပွားခဲ့တာရှိတယ်။ တိုက်ပွဲဖြစ်ပွားခဲ့တယ်ဆိုတာ မင်းတပ် မတူပီကားလမ်းဘက်မှာ ဖြစ်ပွားခဲ့တာရှိတယ်။ ကျွန်တော်တို့ဘက်က ထိခိုက်ဒဏ်ရာရရှိမှုရှိတယ်။ ဒါပါပဲဗျ။”

တိုက်ပွဲတွေ နေ့စဉ်ရက်ဆက်ဆိုသလို ပြင်းထန်နေတဲ့အတွက် ရွာပေါင်း ၂၀ လောက်ဟာ ရွာလုံးကျွတ်ထွက်ပြေးနေရပြီး အခက်အခဲဖြစ်နေတယ်လို့ ဒုက္ခသည်တွေကို ကူညီဆောင်ရွက်ပေးနေသူ တဦးက ပြောပါတယ်။

“တိုက်ပွဲကြောင့် နောက်ထပ် စစ်ဘေးရှောင် ကျေးရွာက ၂၀ လောက် ရှိမယ် ရွာပေါင်းက လူဦးရေက ၁ ထောင်ကျော်ကျော်လေးရှိမယ်။ အဲ့ဒါတွေက ထွက်ပြေးကြတာပေါ့။ သူတို့ရွာမှာ မနေရဲဘူး စကစ စစ်သားတွေ လာမှာကိုကြောက်တယ်။ ကြောက်တဲ့အတွက် ပြေးကြတယ်။ တောထဲပြေးတယ် တချို့ကကျ တောင်ယာထဲ ပြေးတယ်။ ဒါတော့ ကျွန်တော်တို့ အခြေအနေပေါ့။ စားနပ်ရိက္ခာလည်း လုံလောက်မှု မရှိဘူး။ ဆန်တွေကလည်း မိုးတွင်းဆိုတော့ ထားရတာခက်တယ်။ အခုလောလောဆယ် ဒုက္ခသည်တွေ တော်တော်လည်း အခက်အခဲဖြစ်နေကြတယ်။”

တကျော့ပြန်တိုက်ပွဲတွေကြောင့် ဘေးလွတ်ရာကိုထွက်ပြေးနေရတဲ့ စစ်ဘေးရှောင်တွေမှာ ဖျားနာသူတွေများနေသလို ဆေးဝါးကုသမှု လုံလောက်အောင် မရရှိတဲ့အတွက် သေဆုံးတာတွေလည်း ရှိနေပြီး အစားအစာ ဆေးဝါးနဲ့ ရိက္ခာတွေ လိုအပ်နေကြောင်း ဒုက္ခသည်တွေကို ကူညီပေးနေသူတွေက ပြောပါတယ်။

 

 

Leave a Reply

Your email address will not be published. Required fields are marked *