စိတ်မကောင်းလိုက်တာ ခလေးပဲသနားမိတယ် စစ်ပွဲကြောင့် အမေ မရှိတော့တဲ့ (၄)လသား ကလေးငယ်

စိတ်မကောင်းလိုက်တာ ခလေးပဲသနားမိတယ် စစ်ပွဲကြောင့် အမေ မရှိတော့တဲ့ (၄)လသား ကလေးငယ်

 

မေလ ၁၀၊၂၀၂၁။

ဒီကလေးရဲ့ မိခင်ဟာ ဧပြီ ၁၂ရက်နေ့ညတွင် မိုးမောက်မြို့နယ်မှာ တိုက်ပွဲဖြစ်ပွားချိန် မြို့သစ် နေအိမ်ထဲလက်နက်ကြီးကျပြီး ပေါင်မှာထိဒဏ်ရာကြောင့် သေဆုံးခဲ့ရသူပါ။“ဒီကလေးလေးကို သူ့အမေဆုံးပြီး တစ်ပတ်ကြာတဲ့ထိ ရွာက မထွက်ပြေးရဲလို့ ဗုံးခိုကျင်းထဲမှာ ထားပြီးနေခဲ့ရတယ်၊ ကျင်းထဲမှာ ခြင်ကိုက်တော့ ခြင်ဆေးခွေထွန်းရတယ်။ အဲ့အနံ့တွေကြောင့် ကလေးကချောင်းဆိုးပြီး ခုထိရင်ကျပ်နေတာ”ဟု ကလေး၏ အဒေါ်ကဆိုပါတယ်။

 

အမေ မပုတု မရှိတော့တဲ့နောက် (၄)လသားအရွယ် သားလေးကို(မပုတုရဲ့ အမကြီး) ကလေးရဲ့အဒေါ် က ခေါ်ယူစောင့်ရှောက်ထားတယ်လို့ သိရပါတယ်။ ကလေးရဲ့ ဖခင် ဦးအောင်သူဖြိုးဟာ ဧရာဝတီတိုင်း ဇာတိဘက်ကဖြစ်ပြီး ဇာတိကို ခဏပြန်ကာ စီးပွါးရှာသွားမယ်ဆိုပြီး ခုထိပြန်မလာသေးကြောင်းလည်း သိရှိရပါတယ်။

 

အဖေဖြစ်သူနဲ့လည်း အခုထိ ထိတွေ့ခွင့်မရရှိသေးတဲ့ ဒီသားလေး (၄)လသားပြည့်တဲ့နေ့မှာပဲ စစ်ကြောင့် မိခင်ရင်ခွင်မဲ့ဖြစ်ခဲ့ရပြီး ကလေးရဲ့ အမည်တောင် အခုထိ မပေးရသေးဘူးဟုလည်း စိတ်မကောင်းစွာသိရှိရပြန်ပါတယ်။

 

ကလေးလေးဟာ အလွန်မျက်နာချိုပြီး ဘယ်သူခေါ်ခေါ် အပွေ့ခံပြီး အတော်လေးလိမ္မာရှာပါတယ်။ သူ့ကို ခေါ်ပွေ့တဲ့ သူစိမ်းတိုင်းနဲ့ လည်း တဂျီဂျီငိုတာမျိုးမရှိပဲ မျက်နာအလွန်ချိုပါတယ်။ခြင်ဆေးခွေအနံ့နဲ့ ဗုံးခိုကျင်းထဲမှာ နေခဲ့ရတာကြောင့် ညညဆိုရင် ရင်ကျပ်ချောင်းဆိုးတတ်တာကလွဲလို့ ကျန်တာ အားလုံး ကောင်းမွန်တယ်လို့ ဆိုပါတယ်။

 

မပုတုကျန်ရစ်ထားခဲ့တဲ့ ဒီသားလေးရဲ့ အနာဂတ်ရှေ့ရေးအတွက် တစ်ဖက်တစ်လှမ်းကနေ အမှန်တကယ်လှူဒါန်းလိုပါက ကလေးလေးရဲ့ အုပ်ထိန်းသူ ဒေါ်အင်ကြင်းနဲ့ တိုက်ရိုက်ချိတ်ဆက် လှူဒါန်းပေးနိုင်ပြီး ဆက်သွယ်ရန် ဖုန်းအဆက်အသွယ်တချို့ကို Bhamo Platform ရဲ့ Messenger Box တွင် လာရောက်မေးမြန်းနိုင်ပါတယ်လို့ ပြောပါတယ်။။

 

Leave a Reply

Your email address will not be published. Required fields are marked *