စစ်တပ်က အစုလိုက်သတ်ဖြတ်မှုစာရင်း မြန်မာသံအမတ်ကြီး ကုလထံ တင်ပြ

စစ်တပ်က အစုလိုက်သတ်ဖြတ်မှုစာရင်း မြန်မာသံအမတ်ကြီး ကုလထံ တင်ပြ

 

ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းအနေနဲ့ မြန်မာစစ်တပ်ရဲ့ အစုလိုက်အပြုံလိုက်သတ်ဖြတ်မူတွေကို ကုလအတွင်းရေးမှူးချုပ်ထံ စာတင်လိုက်ပါတယ်။စစ်ကိုင်းတိုင်းတဝိုက်က ရွာတွေမှာ ပြီးခဲ့တဲ့လအတွင်း စစ်တပ်က လူအစုလိုက် ညှင်းပမ်း သတ်ဖြတ်တဲ့ဖြစ်ရပ်တွေ ရှိခဲ့တယ်လို့ သံအမတ်ကြီး ဦးကျော်မိုးထွန်းက ကုလအတွင်းရေးမှူးချုပ် Antonio Guterres ထံ မနေ့က စာရေးပေးပို့ခဲ့ပါတယ်။ ဒီစာကို ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်ရုံးရဲ့ Facebook စာမျက်နှာမှာ အခုလ ၃ ရက် အင်္ဂါနေ့ နေ့စွဲနဲ့ တင်ထားပါတယ်။

 

ဒီစာထဲမှာ ဇူလိုင်အစောပိုင်းက ယင်းမာပင်ခရိုင်ရှိ ကနီမြို့နယ်က ရွာမှာ စစ်သားတွေက အမျိုးသား ၁၆ ယောက်ကို နှိပ်စက်ညှင်းပမ်းသတ်ဖြတ်ခဲ့ပြီး ရွာသား ၁ သောင်းကျော် ထွက်ပြေးတိမ်းရှောင်ခဲ့ရတယ်လို့ ဖော်ပြထားပါတယ်။နောက် ဇူလိုင်လကုန် လောက်မှာလည်း ဒေသခံ ပြည်သူ့ကာကွယ်ရေးအဖွဲ့တွေနဲ့ စစ်ကောင်စီလုံခြုံရေးတပ်ဖွဲ့တွေကြား တိုက်ခိုက်မှုတွေ ဖြစ်ခဲ့တဲ့ ဇီးပင်တွင်းရွာအနီးမှာ အလောင်း ၁၃ လောင်း တွေ့ရှိရကြောင်းလည်း ဖော်ပြထားပါတယ်။

 

ဒါ့အပြင် ကြက်ချောင်းတောတိုက်ရွာလည်း မီးရှို့ဖျက်စီးခံရလို့ လူ ၁၁ ယောက် သေဆုံးခဲ့ကြောင်း သံအမတ်ကြီး ဦးကျော်မိုးထွန်းရဲ့ စာမှာ ဖော်ပြထားပါတယ်။ခုလို အကြမ်းဖက်မူတွေရပ်တန့်အောင် မြန်မာစစ်တပ်ကို လက်နက်ရောင်းချမှု ပိတ်ပင်တားဆီးဖို့နဲ့ မြန်မာ့အရေး ကြားဝင်ကူညီပေးဖို့၊ ကုလသမဂ္ဂ လုံခြုံရေးကောင်စီနဲ့ နိုင်ငံတကာအသိုင်းအဝိုင်းကို သံအမတ်ကြီး ဦးကျော်မိုးထွန်းက တိုက်တွန်း တောင်းဆိုထားပါတယ်။

 

မြန်မာစစ်တပ်ရဲ့ တရားမဲ့လုပ်ရပ်တွေ၊ သတ်ဖြတ်မှုတွေနဲ့ ဖမ်းဆီးအရေးယူမှုတွေ ရပ်တန့်မယ့်အခြေအနေ မတွေ့ရသေးတာမို့၊ အခုချိန်ဟာ မြန်မာအပေါ် ခိုင်မာတဲ့ဆုံးဖြတ်ချက် အမြန်ဆုံး ချမှတ်ရမဲ့ အချိန်ရောက်နေပြီလို့လည်း၊ ဦးကျော်မိုးထွန်းရဲ့စာထဲမှာ တိုက်တွန်းထားပါတယ် ခင်ဗျာ။

 

VOA news

 

 

Leave a Reply

Your email address will not be published. Required fields are marked *