အဆိုတော် မနော မအလစစ်ကောင်စီနဲ့ ပြသနာအကြီးကြီးတက်နေပြီ

အဆိုတော် မနော မအလစစ်ကောင်စီနဲ့ ပြသနာအကြီးကြီးတက်နေပြီ

 

စစ်ကောင်စီဖွဲ့စည်းပေးတဲ့ မြန်မာနိုင်ငံဂီတ အစည်းအရုံး(ဗဟို) ယာယီအဖွဲ့မှာ အမှုဆောင်အဖွဲ့ဝင် လုပ်ဆောင်ဖို့ အခက်အခဲရှိတဲ့အတွက် အဆိုတော် မနော မေတ္တာရပ်ခံ

စစ်ကောင်စီက ဖွဲ့စည်းလိုက်တဲ့ မြန်မာနိုင်ငံဂီတအစည်းအရုံး(ဗဟို) ယာယီမှာ အမှုဆောင်အဖွဲ့ဝင်အဖြစ်ထည့်သွင်းခြင်း ခံထားရတဲ့ အဆိုတော် မနောဟာ လုပ်ဆာင်ရန် အခက်အခဲရှိတဲ့အတွက် ဒီနေ့ ဇွန် ၃ရက်၊ရက်စွဲနဲ့ မေတ္တာရပ်ခံစာ ပို့ထားတယ်လို့ သူရဲ့ လူမှုကွန်ယက် စာမျက်နှာမှာ ရေးသားထားပါတယ်။

“ဒီမနက်မှ သိရတာ ဖြစ်ပါတယ်။ကျွန်တော် သိသိခြင်းပဲ မေတ္တာရပ်ခံစာ ပို့ထားပါတယ်ခင်ဗျာ။”လို့ ရေးသားထားပြီး သူ့လက်ရေးမူ စာတစ်စောင်နဲ့ဂီတအစည်းအရုံးဖွဲ့စည်းကြောင်း ကြောညာချက်လည်း တင်ထားတာတွေ့ရပါတယ်။မေတ္တာရပ်ခံချက်စာထဲမှာ “ကျွန်တော် မနောသည် အနုပညာပိုင်းမှာလည်း ဝါသနာရှင် အဆင့်သာဖြစ်ပါသည်။ပညာရှင် မဟုတ်ပါခင်ဗျာ။အတန်းပညာပိုင်းမှာလည်း မူလတန်းသာ အောင်ခဲ့သူဖြစ်ပါသည်။

အသက်အရွယ်ပိုင်းဆိုလျှင်ဖြင့် ၃၈နှစ်သာ ရှိသေးသောကြောင့် အဘက်ဘက်မှ အားနည်းချက်များစွာ ရှိနေပါသည်။

 

 

သို့ဖြစ်ပါ၍ မြန်မာနိုင်ငံ ဂီတ အစည်းအရုံး(ဗဟို)၏ အမှုဆောင်အဖွဲ့ဝင် အဖြစ်နှင့် မသင့်တော်ခြင်းကြောင့် ခွင့်လွှတ် နားလည်စေလိုပါသည်။

ကျွန်တော် မနောအား မြန်မာနိုင်ငံ ဂီတအစည်းအရုံ(ဗဟို)အနေဖြင့် အမှုဆောင်အဖွဲ့ဝင် မဟုတ်ဘဲ ပရဟိတ ကိစ္စများခိုင်းစေလိုလျှင် အချိန်မရွေး မဆိုင်းမတွဘဲ ဆောင်ရွက်ပေးပါမည်ဟု အသိပေးရင်း လေးစားအပ်ပါသော လူကြီးမင်းများ၊အနုပညာရှင်များအား အနူးအညွှတ် မေတ္တာရပ်ခံအပ်ပါသည်။”လို့ ရေးသားထားပါတယ်။

အဆိုတော်မနောဟာ မန္တလေးမြို့မှာနေထိုင်ပြီး ဗိုလ်အောင်ဒင်၊အကြွေး၊ ကြာဖြူ၊အချစ်စစ်ရဲ့တန်ဖိုး၊တောင်သမန်အင်းရဲ့ကဗျာ စတဲ့ သီချင်းတွေနဲ့ နာမည်ကြီးခဲ့သူလည်းဖြစ်ပါတယ်။

မြန်မာနိုင်ငံဂီတ အစည်းအရုံး (ဗဟို)ယာယီ အမှုဆောင်အဖွဲ့ အမည်စာရင်းမှာ နာယက အဖြစ် (ဦး)ဘိုကလေးတင့်အောင်၊(ဒေါ်)တင်တင်မြ၊(ဦး)ဟင်္သာတမြင့်ငွေ၊ဦးတင်ဦးလေး၊မြန်မာပြည် သိန်းတန်တို့ပါဝင်ပြီး

ဥက္ကဋ္ဌ အဖြစ် ဦးညီညီဝင်း(ခ)ကိုင်ဇာ၊ဒုဥက္ကဋ္ဌ(၁) အဖြစ် ဦးလွင်မြင့်၊ဒုဥက္ကဋ္ဌ (၂)အဖြစ် စန္ဒယားသိန်းမြင့်သန်း စတဲ့သူတွေ ပါဝင်ပါတယ်။

 

 

Leave a Reply

Your email address will not be published. Required fields are marked *